Roezie

ofspeulen

Ik ben alweer veur de tiende keer
Mien neie deus met stiften kwiet
Ik vraog mien breur, maor wat ik heur
Is elke keer: Ík heb ze niet'.

Dan is e vort, ik kiek dan kört
Even in zien kaomer rond
En wat ik zie, je geleuft het niet
Daor ligt mien stiften op de grond

refrein

Ik heb weer roezie, ik heb weer roezie
Altied gedonder en gezeur
Ik heb weer roezie, ik heb weer roezie
Weer roezie met mien breur (2 keer)

As ik mooi speul en me niet verveel
Met al mien poppen, mooi allent
Dan heurt hij wat, komt as een kat
Gloepends snel naor boven rend

Hie pakt mien pop vast bij de kop
slat heur keihard tegen de muur
Ik stomp hum dan, zo hard ik kan
Ik haot hum zo, mien stomme breur

refrein

Mien mam komt in mien kaomer rend
Waor is je breur, waor is die vent
Ik bin hum kwiet, sinds half tien
Gieniene hef hum argens zien
Ik mus reren en hölp snel zuken
Hij was vallen in de toen
Ik was zo bliede da’k hum weer zag
Da’k mien kapotte pop vergeten was

refrein

Ook al heb wij vaok roezie, slim vaok roezie
Altied gedonder en gezeur
As hij er niet is, dan is er wat mis
Hij blef altied mien breur

tekst en muziek: R. Elfrink

Illustraties: Jet de Wilde

Extra lesmateriaol

Opdrachten

Duits, Engels, Drents en Nederlands

Typ het Nederlands derbij.

Aj met de pijl of cursor over de Duutse, Engelse en Drentse woorden beweegt, kuj ze heuren.

Klik daornao op:

Duits	Engels	Drents
verloren	lost	kwiet
meine neue Doze	my new box	mien neie deus
Streit	quarrel	roezie
alleine	alone	allent
sehr schnell	very quickly	gloepends snel
niemand	no one	gieniene
irgendwo	somewhere	argens
froh	happy	bliede