't Giet verkeerd met oeze taol:
gien mèens prat haost meer plat!
Op schoel, mien vriendties, nargens meer Drèents.
En eerlijk waor... ik bin 't zat!!!
Oké, het hoge heurt d'r bij,
dat wil ik ok best wal weten.
Maor a'w niet oppast, kiek maor oet,
dan is oes Drèents vergeten!
Daorum gao ik het Drèents promoten;
'k heb schreven naor de t.v.
Braandpunt, Nova, 't Jeugdjournaal,
zie zeden almaol: "Nee!"
De sterreclame: "Mèensen praot Drèents!!!"
't Scheut mij iniens in 't zin!
Maor al die luiers en maondverbaand,
En ikke d'r zeker tussenin....!
Een campagne dan, het hièle laand deur,
zoas in de politiek...
De meister gaf gien vrij van schoel
en ik bin ok niet zo riek.
Toen dacht ik an dizze wedstried hier
en ik zeg 't je nou nog ienmaol.
't Klinkt nog mooier met zien allen tegeliek:
"Wij holt van de Drèentse taol!!!"
(spandoek omhoog)
schriefster: Hermien Boesjes