De Boetelbossies bent slim ziek,
ze loopt te hoesten en te snuten.
Der is gien buusdoek meer in huus
en gieniene kan hen buten.
De Boetelbossies bent zo ziek,
de koorts wil maor niet zakken.
Der is gien sappie meer in huus,
leeg bent al de pakken.
De Boetelbossies blieft maor ziek,
ze komt niet uut de bedden.
Der is gien krummel meer in huus.
Ik möt de Boetelbossies redden.
Ik gao wal naor de Super hen,
met 'n maandtie an mien fietsie.
Ik slinger hen -en- weer- den,
't is te zwaor, een ietsepietsie.
Vief pakken sap, koek en melk
een broestablet en asperien,
ieslolly's, veer veur elk.
Ze word beter, dat zuj zien.
De Boetelbossies bent weer best,
ze bent almaol weer op de bien.
Nou lig ik in bedde en ben ziek.
Vin ie dat nou niet gemien?
Schriefster: Beate Plenter