|
|
|
tien kleine vogelties die zaten in de regen ien vleug vort um een regenjas doe waren der nog negen
|
|
negen kleine vogelties buten in de nacht ien was 't zat, vleug naor de maon doe waren der nog acht
|
|
acht kleine vogelties kunnen 't haost niet Ieuven ien vleug de aander achternao doe waren der nog zeuven
|
|
zeuven kleine vogelties pikten mekaor expres ien zee: dat döt knap zeer doe waren der nog zes
|
|
zes kleine vogelties die piepten: maor ik blief ien zee: ik zuuk wat aans doe waren der nog vief
|
|
vief kleine vogelties die keken naor een dier ien ruup: 'k bin schietensbang doe waren der nog vier
|
|
vier kleine vogelties speulden in de wei iene much der niet meer metdoen doe waren der nog drei
|
|
drei kleine vogelties zöchten naor een stee iene weur kwaod en vleug gauw vort toen waren der nog twee
|
|
twee kleine vogelties vleugen halfweg Erm en Slien iene wol naor Assen toe toen was der nog maor ien
|
|
dat iene kleine vogeltie zee: 'k weet waor 'k an begun het lied is uut ik blief ok niet en vleug doe naor de zun
|
