Kat in ’t puutie
Het was ducht mij veurig zommer
doe'k heks Haokneus integen kwam
zunder bezzem op een brommer
hoed op as een kakmadam
de zwaarte kat haar z' in een puutie stopt
zee: "zo he’k van je gien last"
en met heksenspei en koetouw
muuk zij 'm op pakkiesdraoger vast
het zwaarte kattie bluus en krabde
de hele puut wuur kaant verropt
Haokneus heurde 't puutie scheuren
en is doe as de mieter stopt
keek achterum en wuur hellig
heul het sputterbred bekrast
en ze muuk met toverspreuken
van de kat een evertas
de evertas nou ok grammietig
sluug zien steert in 't achterwiel
de heks vuul pats van de bromfiets of
zodat ze op heur haokneus viel
Schriever: Eite Brink