D'r was ies een jonggie, zien naom was Piet,
die ze op alles: "Ik weet het niet."
"Wee'j ok waor de krulekaor stiet?" (krulekaor = kruiwagen)
"Ik weet het niet, ik weet het niet."
"Waor is je buusdoek, of bi'j hum kwiet?" (buusdoek = zakdoek)
En wéér wus oeze Piet het niet.
Maor a'j hum vreugen: "Wo'j 'n toverbal?"
Dan zee Piet rap: "Dat lust mij wal!"
En op zien gezicht een briede lach;
Hie at er wal vieftig op iene dag!
Vreug je wat aans an oeze Piet,
Dan ze e weer: "Ik weet het niet."
"Wee'j ok waor de trein hen giet?"
Ik weet het niet, ik weet het niet."
"Wèl is bij 't scheuveln favoriet?" (scheuveln = schaatsen)
En wéér wus oeze Piet het niet.
Allent a'j vreugen: "Wo'j 'n toverbal?"
Dan zee Piet rap: "Dat lust mij wal!"
Hie at toverballen aait maor deur,
En op 'n dag verscheut e van kleur.
Hie wuur rood en paors en blauw en zwart,
en geel en gruun, ach 't was mij wat!
Die Piet, 't is misschien wal wat mal,
hie lek jao zölf een toverbal!!!
En hoe het nou met Pietje giet?
"Ik weet het niet, ik weet het niet."
schriefster: Hermien Boesjes