 |
Het probleem van juffrouw Doezendpoot Was hiel arg groot, merakel groot Of zie non binnen was of boeten Zie har aaid last van kolde voeten
Een schoenmaker wus goeie raad Hij gung an 't werk met naald en draod En nao dik anderhalf, zowat twee jaar Doe was het klaor, doe was het klaor
Eerst was juffrouw Doezendpoot gelukkig Later zee zie doodvermuid en o, zo nukkig: "Ik kom ja nargens meer an toe As an het antrekken van een schoe En nog een schoe en nog veul meer Heb ik het veterstrikken daon Dan is het aovend en dan trek ik weer Al die schoenen oet, het blif moor angaon"
Doe kwam er een advertentie in de kraant Vief honderd paar schoenen kuj bij mij kopen Haandgemaakt en 'k heb der nooit op lopen Ik doe ze veur een prikkie van de haand
Schriever: Miny Hofsteenge |