Ik heb hum zien!
De hoempaling-roggekroepenberes (2x),
De roggekroepenberes is zo lillijk as de nacht,
As hij es in de spiegel kik dan giet et glas kepot,
Dan schrouwt hij van benauwdheid en dan löp hij hiel hard vort.
Opgelet veur:
De hoempaling-roggekroepenberes (2x),
De roggekroepenberes die zich oprolt as e slap,
Aj hum argens even raokt, al doej ok nog zo zacht,
Dan gleit albei zien ogen en buldert hij hiel hard.
Waor je veur:
De hoempaling-roggekroepenberes (2x),
De roggekroepenberes met een steert van stiekeldraod,
As hij ’t malle vel an hef, dan hej hum zo maor kwaod,
Dan giet zien haor in ’t èende en hij piest zo maor op straot.
Kiek oet veur:
De hoempaling-roggekroepenberes (2x),
De roggekroepenberes met een pleister veur zien gat,
As hij ’n vieze wind lat gaon, al döt hij ’t nog zo zacht,
Dan wordt mien neus en oren an 't puntie pikpikzwart.
De hoempaling-roggekroepenberes (4x).
Schriever: Eite Brink
De roggekroepenberes is een biezunder biest. Hij verstopt zich zo goed, dat nog maor weinig meinsen hum al ies zien hebt. En wat ze toen zagen, lees ie in de tekst en ziej op het plaotie.
De tarwedaansenberes is femilie van de roggekroepenberes. Ok dit biest verstopt zuch hiel goed. Eigenlijk is d'r nog gieniene die de tarwedaansenberes goed zien hef. Allent Freek Vonk, een bioloog, wet dat e bestiet, want hij hef hum in het donker ien keer zien daansen. Volgens Freek lek e wat wat op de roggekroepenberes en hij daanst altied. Maor een goeie beschrieving van het biest kun e niet maoken.
Help ie Freek ies even en tieken de tarwedaansenberes.
Nim hierveur een tiekenpapier. Aj klaor bint, laot dan je tiekening zien an de juf of de mister.
Veul succes d'r met.