Eindelijk vrij?
Ellie Fransman wordt wakker, ze wet niet waor ze is. Waor is heur zus, waor binnen heur pap en mam? O ja, nou wet ze ’t weer, ze zitten in kamp Westerbörk.
Ze geit naor een aandere barak. Daor zöt ze heur zus. Saomen lopen ze naor de barak van heur pap en mam. Daor kriegen ze soep en stoet en vertrekken om te waarken.
Binnenkört komp der weer een trein, dus moeten ze lotten wel daor met geit.
Verleden week was ’t heur vriend Sven. Ze mist hum slim, ze waren dikke vrienden. As zij maor niet oetkozen worden.
Vandaog gaon Rika en ik naor de barak van pap en mam. Gelukkig kriegen wij wat meer soep as aans. Ik zee een papier hangen. Der steit wat op in ’t Duuts, maor gelukkig ok in ’t Nederlaands. Mörgen komp al de neie trein, die is veur meensen van de kolenmien. Ik roep sarcastisch: ‘Yes, ik mag misschien met de trein.’ Ik loop naor de mien, daor zee ik pap. Ik pak een schep en begun te scheppen.
Laoter as wij weer in de barak binnen, zee ik mam en mien zus. Ik kom naost mien mam staon en griep heur haand. Wij waachten tot pap der is. Nao een paor menuten komp e binnen en kunnen wij begunnen met de lotting.
Der worden allemaol papierties met naomen in een pot stopt. Ik hol mien vingers kruust. Het eerste lottie wordt pakt; de femilie Nijhof. Zij slaopen onder mij in de barak. De volgende is van de femilie de Vries. Die slaopen tegenover mij. Wat as de heule barak …
Het lèeste lottie; de femilie Fransman!
De volgende mörgen vertrekken we in een goedernwagon naor Bergen Belsen. Gelukkig saomen.
En as wij daor nao een lange rit ankommen, weten we wat oons te waachten steit: haard waarken en niet veul te eten. Twee vriendinnen leer ik kennen, Margot en Anne Frank. Zij kommen beiden oet de tied veurdat de oorlog veurbij is. Anne hef nooit weten dat heur dagboek oetgeven is en zu’n belangriek boek worden is. As de Russen oons in 1945 kommen bevrijden, bin ik as enige van oons gezin over.
Ik bin nou 85 en niet allén. Ik heb veer kinder en zeuven kleinkinder.
Maor vrij? Misschien over een paor jaor.
Ileen Nienhuis (11 jaar)
groep 8
obs De Elsakker Westervèle
Vertaoling: Henny Bouwman