Zeg Sunterklaos, ik zat te prakkezeren
Gusteraovend en zopas nog in de klas
Ik kun der eerlijk waor mien hoeswark niet van leren
En mien pap die vreug ok al of der wat was
Maor ja, die pap van mij die zal ’t ok wal niet weten
Want op vekaansie red hij zölf altied verkeerd
Maor Sunterklaos, jij bint nog nooit een hoes vergeten
En vindt de weg ok in het duuster op je peerd
Refrein
Sunterklaos ik wol ies weten
Hef je peerd ok een tom tom?
Want je weet altied de weg wal
A’k je argens tegenkom
Of bekiek je eerst op Google elke dag
Waor de hoezen al’maol staot?
Lieve Piet en Sunterklaos
Kom jullie gauw naor oeze straot?
O, Sunterklaos, nou heb ik je al schreven
Maor het liestie in mien schoe was nog niet klaor
Koj hier nog ’n maol, dat wo’k nog even weten
‘t Duurt ja nog zo lang tot an het volgend jaor
Want ik vraog ok nog wat kedogies veur mien breurtie
Die is zo klein en hef ‘t schrieven nog niet leerd
Met wat hij kreg kun wij ok saomen wal gaon speulen
Mien schoe die heb ik henzet, bij de open heerd
Refrein
Sunterklaos ik wol ies weten
Hef je peerd ok een tom tom?
Want je weet altied de weg wal
A’k je argens tegenkom
Of bekiek je eerst op Google elke dag
Waor de hoezen al’maol staot?
Lieve Piet en Sunterklaos
Kom jullie gauw naor oeze straot?
tekst: S. Sanders, muziek: J. Kruimink
Illustraties: Jet de Wilde
