Daor kiek ik aal jaor weer naor oet
De tied van de kerstboom met kloet
Mien mam haolt de spullegies van zolder
En wij zuukt naor de kerstboomholder
Daor kiek ik aal jaor weer naor oet
Dat laampies en keersies ’t doet
De boom met de ballen en een piek
Een engelenhaor, magnifiek
Daor kiek ik aal jaor weer naor oet
De tied van de kerstkrentenstoet
Een kop warme chocomelk met slagroom
En kerstkraansies hangt in de boom
Daor kiek ik aal jaor weer naor oet
Want kerstliedties klinkt toch zo goed
Van Jingle Bells en Stille Nacht
Van ‘t poppie dat lang weur verwacht
Refrein
’t Is weer december, ’t is zowat Kerst, zowat Nijjaor
Vrede op eerd, al is ’t evenpies maor
Kerstfeest, Kerstfeest, Kerstfeest dit jaor
Under de boom, kedogies ligt klaor
Refrein in canon herhalen
tekst & muziek: M. Scholten
Illustraties: Jet de Wilde
