Ik lig net in mien berre en wacht op heksen en trollen
Die dommies, dèenk ik, gauw weer de trappen of komt rollen
Ze woont op oeze hilde en ik dreum der vaok van
Vort as ik under mien dekbed lig, dan komt ze der al an
Dan daanst ze deur mien kaomer en ze komt op berre springen
Of zij begunt hiel vals een aokelig lied veur mij te zingen
Bij tieden bin 'k wel wat benauwd, as ze mij zo komt klieren
Maar 't is meraokel mooi as ze een feestien hebt te vieren
Mien mam bief mij maor aal vertellen dat ze niet bestaot
Maor hoe kan het dan dat ze keer op keer in mien kaomer staat ?
De heksen vliegt vaok op de bessem rondties um de laamp
En as trollen daanst giet dat met machtig veel gestaamp
Maar as mien mam, ok maor een toontien op de treden zet
Dan vliegt ze allemaol deur 't room, ik wol zo geern ies mèt !
As mam der is, dan is allèn 't gerdien nog wat verscheuven
En hoe'k ok zeg dat ze bestaat, ze zal 't wel nooit geleuven.
Schriever: Suze Sanders
